Cosaint Leanaí
Ráiteas um Chosaint Leanaí – Gaelcholáiste Luimnigh
De réir cheanglais Acht um Leanaí ar dtús 2015, Leanaí ar dtús: Treoir Náisiúnta um Chosaint agus Leas Leanaí 2017, Nósanna Imeachta um Chosaint Leanaí do Bhunscoileanna agus Iar-bhunscoileanna 2017 agus Treoir Tusla maidir le hullmhú Ráiteas um Chosaint Leanaí, tá an Ráiteas um Chosaint Leanaí atá leagtha amach sa doiciméad seo comhaontaithe ag Bord Bainistíochta Ghaelcholáiste Luimnigh.
- Tá glactha ag an mBord Bainistíochta le Nósanna Imeachta um Chosaint Leanaí na Roinne do Bhunscoileanna agus d’Iar-bhunscoileanna 2017 agus cuirfidh sé i bhfeidhm iad go hiomlán agus gan mhodhnú mar chuid den Ráiteas foriomlán um Chosaint Leanaí seo.
- Is é Kevin Ó Raghallaigh an Duine Idirchaidrimh Ainmnithe (DCA).
- Is é Jack Ó Conaill an Leas-Teagmhálaí Ainmnithe (TTLA).
- Aithníonn an Bord Bainistíochta go bhfuil cúrsaí cosanta agus leasa leanaí fite fuaite le gach gné de shaol na scoile agus gur gá iad a léiriú i ngach polasaí, nósanna imeachta, cleachtas agus gníomhaíocht na scoile. Ina pholasaithe, ina nósanna imeachta, ina cleachtais agus ina gníomhaíochtaí, cloífidh an scoil leis na prionsabail seo a leanas dea-chleachtais i gcosaint agus leas leanaí:
Déanfaidh an scoil:
- a aithint go bhfuil cosaint agus leas leanaí thar a bheith tábhachtach, beag beann ar aon bhreithnithe eile;
- cloí go hiomlán lena oibleagáidí reachtúla faoin Acht um Leanaí ar dtús 2015 agus reachtaíocht ábhartha eile a bhaineann le cosaint agus leas leanaí;
- comhoibriú go hiomlán leis na húdaráis reachtúla ábhartha i ndáil le cúrsaí cosanta agus leasa leanaí;
- cleachtais shábháilte a ghlacadh chun an fhéidearthacht go dtarlóidh dochar nó timpistí do leanaí a íoslaghdú agus oibrithe a chosaint ar an ngá rioscaí neamhriachtanacha a ghlacadh a d’fhéadfadh iad a fhágáil i mbaol líomhaintí mí-úsáide nó faillí;
- cleachtas oscailteachta a fhorbairt le tuismitheoirí agus rannpháirtíocht thuismitheoirí in oideachas a bpáistí a spreagadh; agus
- urraim iomlán a thabhairt do cheanglais rúndachta agus iad ag déileáil le cúrsaí cosanta leanaí.
Cloífidh an scoil leis na prionsabail thuasluaite freisin maidir le haon mhac léinn fásta a bhfuil leochaileacht speisialta aige/aici.
Tá na nósanna imeachta/bearta seo a leanas i bhfeidhm
- Maidir le haon bhall foirne atá faoi réir aon imscrúdaithe (cibé cur síos atá air) i leith aon ghnímh, neamhghníomh nó imthosca i leith linbh atá ag freastal ar an scoil, cloíonn an scoil leis na nósanna imeachta ábhartha atá leagtha amach i gCaibidil 7 de na Nósanna Imeachta um Chosaint Leanaí do Bhunscoileanna agus Iar-bhunscoileanna 2017 agus leis na nósanna imeachta araíonachta ábhartha comhaontaithe do bhaill foirne scoile atá foilsithe ar shuíomh gréasáin na Roinne Oideachais agus Scileanna.
- Maidir le roghnú nó earcaíocht foirne agus a n-oiriúnacht chun oibriú le leanaí, cloíonn Bord Oideachais agus Oiliúna Luimnigh agus an Chláir leis na ceanglais reachtúla grinnfhiosrúcháin atá in Achtanna an Bhiúró Náisiúnta Grinnfhiosrúcháin (Leanaí agus Daoine Leochaileacha) 2012 go 2016 agus leis an treoir níos leithne maidir le dualgas cúraim atá leagtha amach i gciorcláin ábhartha grinnfhiosrúcháin agus earcaíochta an Gharda Síochána arna bhfoilsiú ag an DES agus atá ar fáil ar shuíomh Gréasáin an DES.
- Maidir le faisnéis a sholáthar agus, i gcás inar gá, treoir agus oiliúint, do bhaill foirne i ndáil le haithint tharla an dochair (mar a shainmhínítear in Acht 2015) an scoil-
Tugtar cóip de Ráiteas um Chosaint Leanaí na scoile do gach ball foirne
Cinntítear go gcuirtear cóip de Ráiteas um Chosaint Leanaí na scoile ar fáil do gach ball foirne nua
Cinntítear go gcríochnaíonn an fhoireann oiliúint éigeantach agus spreagtear an fhoireann chun leas a bhaint as oiliúint bhreise
Spreagtear baill an Bhoird Bainistíochta chun leas a bhaint as oiliúint ábhartha
Coinníonn Gaelcholáiste Luimnigh taifid ar an oiliúint foirne go léir
- Maidir le tuairisciú imní maidir le cosaint leanaí chuig Tusla, ceanglaítear ar gach ball foirne scoile cloí leis na nósanna imeachta atá leagtha amach sna Nósanna Imeachta um Chosaint Leanaí do Bhunscoileanna agus Iar-bhunscoileanna 2017, lena n-áirítear, i gcás múinteoirí cláraithe, na nósanna imeachta a bhaineann le tuairisciú sainordaithe faoin Acht um Leanaí ar dTús 2015.
- Sa scoil seo, cheap an Bord an DLP thuasluaite mar an “duine ábhartha” (mar a shainmhínítear san Acht um Leanaí ar dtús 2015) le bheith ina chéad phointe teagmhála i leith an ráitis um chosaint leanaí.
- Is daoine sainordaithe faoin Acht um Leanaí ar dtús 2015 iad na múinteoirí cláraithe uile atá fostaithe ag an scoil.
- De réir Acht um Leanaí ar dtús 2015, rinne an Bord measúnú ar aon fhéidearthacht go ndéanfadh leanbh dochar agus é/í ag freastal ar an scoil nó ag glacadh páirte i ngníomhaíochtaí scoile. Tá measúnú scríofa ina leagtar amach na réimsí riosca a sainaithníodh agus nósanna imeachta na scoile chun na rioscaí sin a bhainistiú ceangailte mar aguisín leis na nósanna imeachta seo.
- Is féidir rochtain a fháil ar na nósanna imeachta éagsúla dá dtagraítear sa Ráiteas seo trí shuíomh gréasáin na Roinne Oideachais nó cuirfear ar fáil iad ag an scoil ar iarratas.
Tá an ráiteas seo foilsithe ar shuíomh gréasáin na scoile agus tá sé curtha ar fáil do gach ball de phearsanra na scoile, do Chomhairle na dTuismitheoirí agus do phátrúin na scoile. Tá sé ar fáil go héasca do thuismitheoirí agus do chaomhnóirí ar iarratas. Cuirfear cóip den Ráiteas seo ar fáil do Tusla agus don Roinn más iarrtar é.
Déanfar athbhreithniú bliantúil ar an Ráiteas um Chosaint Leanaí seo nó a luaithe is féidir tar éis athrú ábhartha a bheith ann in aon ábhar lena mbaineann an ráiteas seo.
Athbhreithniú ar Pholasaí agus Nósanna Imeachta ag an mBord Bainistíochta
Child Safeguarding Statement and Risk Assessment
Notification regarding the Board of Management’s review of the Child Safeguarding Statement
Confirmation of Bí Cinéalta Policy to Prevent and address Bullying Behaviour
Appendix E – Review of the Bí Cinéalta Policy
Glacadh leis an mBord Bainistíochta an polasaí seo maidir le Ráiteas um Chosaint Leanaí agus Polasaí Bí Cineálta Scoile chun Iompraíocht Bhulaíochta a Chosc agus Dul i nGleic léi.